Phablet ជំនាន់​ថ្មី Note II របស់ Samsung រយៈពេល​ត្រឹម ២ខែ​ប៉ុណ្ណោះ​អាច​ទទួល​បាន​លទ្ធផល​នៃ​ការ​លក់​ចេញ​ទៅ​ប្រទេស​ចំនួន ១២៨ ប្រទេស​ជុំវិញ​ពិភពលោក​យ៉ាង​គាប់​ប្រសើរ គឺ​លក់​បាន​ដល់​ទៅ ៥លានគ្រឿង​ឯណោះ។ គេ​ឃើញ phablet ជំនាន់​ក្រោយ Note II នេះ​បាន​យក​ឈ្នះ​បំបែក​កំណត់ត្រា​លក់​ដាច់​ច្រើន​ជាង Galaxy Note ជំនាន់​ដំបូង​របស់ Samsung ដល់​ទៅ ៣លាន​គ្រឿង​ ខណៈ  Galaxy Note រយៈ​ពេល ២ខែ​ដូច​គ្នា​អាច​វាយលុក​ទីផ្សារ​បាន​ត្រឹម​តែ ២លាន​គ្រឿង​។

គួរ​បញ្ជាក់​ផង​ដែរ​ថា  Samsung កន្លង​មកធ្លាប់​បាន​ប្រកាស ខ្លួន​អាច​លក់​ចេញ Galaxy S III ទូទាំង​ពិភពលោក​បាន ៣០លាន​គ្រឿង​ហើយ​ដោយចំណាយ​រយៈពេលត្រឹម​តែ ៥ខែ​ប៉ុណ្ណោះ ហើយ​ក៏​រំពឹង​ទុក​មុន​ថា នឹង​អាច​ឈាន​ទៅដល់ ៤០ លាន​គ្រឿង​ ​នៅ​ត្រីមាស​ទី៤​ឆ្នាំ២០១២​នេះ៕

ចុច​ត្រង់​នេះ​ដើម្បី​តាមដាន ព័ត៌មាន​បច្ចេកវិទ្យា​ថ្មីៗ

ប្រែ​សម្រួល៖ ឈុន ហួរ
ប្រភព & រូបភាព៖ សប្បាយ