ថ្ងៃនេះមានដំណឹងមកថាក្រុមហ៊ុន Samsung ត្រៀមបញ្ចេញ Samsung Galaxy Note II ដែលអាចប្រើ SIM បាន 2 (Dual SIM) នៅពេលឆាប់ៗខាងមុខនេះហើយ ។ Samsung Galaxy Note II SIM 2 នេះមានលេខម៉ូឌែល N7102 រីឯលក្ខណះសម្បត្តិផ្សេងៗរបស់ Samsung Galaxy Note II SIM 2 នេះគឺដូចគ្នាទៅនិង Samsung Galaxy Note II SIM 1 ផងដែរ តែខុសគ្នាត្រង់ថាមួយប្រើ SIM បានពីរនិងមួយទៀតប្រើ SIM បានមួយតែប៉ុណ្ណោះ ។ ចំនុចដ៍គួរអោយចាប់អារម្មណ៍ជាពិសេសនោះគឺ មួយប្រើជា SIM មាត្រដ្ឋាន (SIM ទូទៅ) មួយទៀតប្រើជា Micro SIM ។ ចំពោះ Samsung Galaxy Note II SIM 2 នេះត្រៀមដាក់លក់ជាផ្លូវការនៅឯប្រទេសចិនថ្ងៃទី 3 ធ្នូ ខាងមុខនេះហើយ ។

លោក​អ្នក​ប្រ​ហែល​ជា​មិន​ដែល​ធ្លាប់​លឺ​ពី​ប្រ​ភេទ​ទូរ​ស័ព្ទ​មួយ​នេះ​ឡើយ​ពីមុនមក។ ​ដើម្បី​អនុញ្ញាត​ឲ្យ​លោក​អ្នក​ជ្រាប​បាន​កាន់​តែ​ច្បាស់​ Vivo X1 ​ជា​ទូរ​ស័ព្ទ​មួយ​ប្រ​ភេទ​ដែលផ​លិត​ឡើង​ដោយ​ក្រុម​ហ៊ុន​ផលិត​ទូរ​ស័ព្ទ​របស់​ប្រ​ទេស​ចិន​មាន​ឈ្មោះ​ថា ​BKK Electornics​។ ​ទោះ​ជា​យ៉ាង​ណា​ក៏​ដោយ ​X1 ​ជា​ទូរ​ស័ព្ទ​មួយ​ប្រ​ភេទ​ដែល​សាក​សម​នឹង​ទទួល​បាន​ការ​ចាប់​អារម្មណ៍​ពី​អ្នក​ប្រើ​ប្រាស់​ទាំង​ឡាយ ​ដោយ​បច្ចុប្បន្ន​វា​ត្រូវ​បាន​គេ​ប្រ​កាស​ជា​ផ្លូវ​ការ​ ​និង ​​ទទួល​ស្គាល់​ថា​ជា​ទូរ​ស័ព្ទ​ស្មាត​ហ្វូន​ដែល​មាន​កម្រាស់​ស្តើង​ជាង​គេ​បំ​ផុត​ក្នុង​ពិ​ភព​លោក​ ​ដោយ​​វា​មាន​កម្រាស់​ត្រឹម​តែ 6.65mm​ ប៉ុណ្ណោះ។ ​មិន​តែ​ប៉ុ​ណ្ណោះ ​វា​ត្រូវ​បាន​ផលិត​ឡើង​ដោយ​អាច​ផ្តល់​នូវ​គុណ​ភាព​សម្លេង​ក្នុង​កម្រិត​ខ្ពស់ ​ដំ​ណើរ​ការ​នៅ​លើ​ប្រព័ន្ធ​ប្រ​តិបត្តិការ ​Android 4.1 ​Jelly ​Bean ​និង​​ ​មាន​តម្លៃ ​៤០០ដុល្លា។ ​X1 ​មាន​អេ​ក្រង់​ទំ​ហំ ​4.7 ​អ៊ីង ​មាន​សមត្ថ​ភាព​បញ្ចេញ​រូប​ភាព​ក្នុង​កម្រិត ​HD (540 x 960 pixel) កា​មេ​រ៉ា​ខាង​ក្រោយ​ទំ​ហំ ​8 មេហ្កាភិច​សែល ​និង​ខាង​មុខ​មាន​ទំហំ ​1.3 មេហ្កា​ភិច​សែល ​និងមាន​អង្គ​ចង​ចាំ​ខាង​ក្នុង​ទំ​ហំ​​ 16GB ។
ផ្តល់ដោយ : ទស្សនាវដ្តីទូរស័ព្ទ

 

ក្រុមហ៊ុន Samsung បានបញ្ចេញវីដេអូការណែនាំនូវមុខងារថ្មី Premium Suite សម្រាប់ Galaxy Note 10.1 ដែលជាសមត្ថភាពថ្មីបន្ថែមមកជាមួយការ Update នៅលើ Android 4.1 Jelly Bean នៅក្នុងពេលឆាប់ៗនេះ ។ មុខងារជាច្រើនដែលមាននៅលើឧបករណ៍ផ្សេងៗរបស់ Samsung នៅលើ Galaxy Tab រឺ Galaxy Note ដែលចេញមកមុនមានដូចជា Multi Windows, Air View, Easy Clip, Quick Command, Photo Note ។
សម្រាប់ពត៍មានលំអិតនៃមុខងារថ្មី Premium Suite របស់ Galaxy Note 10.1 យ៉ាងណានោះ សូមប្រិយមិត្តទៅទស្សនាវីដេអូនៅខាងក្រោមទាំងអស់គ្នា
Samsung នៅមិនទាន់បានប្រាប់ការ Update Android 4.1 Jelly Bean ជាផ្លូវការនៅលើ Galaxy Note 10.1 នៅពេលណានោះទេ ដោយគ្រាន់តែនិយាយថា នៅពេលឆាប់ៗខាងមុខនេះ

កាល​ពី​ដើម​ខែ​វិច្ឆិកា​កន្លង​មក ក្រុមហ៊ុន Samsung បាន​ប្រកាស​ថា គេ​លក់ Samsung Galaxy Note 2 អស់​ជាង 3 លាន​គ្រឿង​នៅ​ទូ​ទាំង​ពិភព​លោក។ ក៏​ប៉ុន្តែ ប៉ុន្មាន​សប្ដាហ៍​ក្រោយ​មក ក្រុមហ៊ុន​នេះ​ក៏​បាន​ប្រកាស​ថា ការ​លក់​ស្ទុះ​ឡើង​ដល់ 5 លាន​គ្រឿង​ឯ​ណោះ។ នេះ​គឺ​ជា​ការ​លក់​ដ៏​អស្ចារ្យ​បំផុត ហើយ​ពួក​គេ​ប្រាកដ​ជា​លក់​បាន​ច្រើន​ជាង​នេះ​ទៀត​ក្នុង​ពេល​សម្រាក​ខាង​មុខ​នេះ។ មួយ​វិញ​ទៀត នៅ​ក្នុង​សន្និសីទ​នៃ​ការ​ចេញ​លក់ Galaxy Note 2 នេះ លោក JK Shin ដែល​ជា​នាយក​ប្រតិបត្តិ Samsung Mobile បាន​បង្ហាញ​ថា គោល​ដៅ​នៃ​ការ​លក់​របស់​គេ គឺ​ត្រូវ​លក់​ឱ្យបាន 20 លាន​គ្រឿង។
ប្រភព៖ Android Central
ផ្តល់ដោយ : ទស្សនាវដ្តីទូរស័ព្ទ

ក្រុមហ៊ុន Samsung បានបញ្ចេញស្ពតវីដេអូពាណិជ្ជកម្មថ្មីរបស់ Samsung ATIV Smart PC ដែលជា NoteBook ជំនាន់ទំនើបសម័យដែលអាចផ្លាស់ប្តូររូបរាងពី Notebook ទៅជា Teblet ដោយគ្រាន់តែដក Keybord ចេញជាការស្រេច ។
លក្ខណះសម្បត្តិរបស់ Samsung ATIV Smart PC
- ទំហំអេក្រង់ 11.6 inch កម្រិតរូបភាពច្បាស់ 1366 x 768 Pixel
- CPU : Intel Atom Processor ដែលបញ្ជាក់ថាជា next generation
- RAM 2GB LPDDR
- អង្គគណនារូបភាពជា Intel HD
- Camera មុខ 2 Megapixel
- Camera ក្រោយ 8 Megapixel
- អង្គចងចាំក្នុងគ្រឿងទំហំ 128GB អាចបន្ថែម microSD card បាន
- គាំទ្រ Wi-Fi, Bluetooth 4.0, microHDMI, USB 2.0
- គាំទ្របណ្តាញ 3G ហើយនិង 4G LTE
- ទំងន់ 750 ក្រាម
- តួគ្រឿងកម្រាស់ 9.9 mm
- ថ្មប្រើប្រាស់ជាប់បានរហូតដល់ទៅ 13.5 ម៉ោង
សូមប្រិយមិត្តទៅទស្សនាស្ពតវីដេអូថ្មីរបស់ Samsung នៅខាងក្រោមទាំងអស់គ្នា